Pasaporta zvicerane, ‘ndër me atraktivet’ në botë

Sipas renditjes nga “passportindex”, pasaporta zvicerane është e pesta në botë

Çdo vit “passportindex” rendit pasaportat më të fuqishme në botë, në bazë të vendeve ku mund të udhëtoni pa vizë, shkruan albinfo.ch.

Pasaporta zvicerane renditet lartë, përkatësisht në vendin e pestë. Me pasaportë zvicerane mund të udhëtosh pa problem në 152 vende. Ngjashëm janë edhe Suedia, Danimarka, Austria, Luksemburgu, Koreja e Jugut, Zelanda e Re.

Para tyre janë Emiratet e Bashkuara Arabe, ku mund të udhëtosh në 160 vende. Finlanda dhe Italia renditen në vendin e dytë me 153.

Pasaporta më e dobëta është e Irakut dhe Afganistanit, ku mund të shkosh vetëm në 34 vende. Kosova renditet në vendin e 77-të, me 49 vende që mund t’i vizitosh, kurse Shqipëria është në vendin e 35-të me 102 shtete ku mund të udhëtosh.

https://www.passportindex.org/byRank.php

---