400 infermierë ikën nga Kosova vitin që shkoi

Gjermania vazhdon të jetë destinacioni më i preferuar i stafit shëndetësor të Kosovës për të filluar një punë të re jashtë vendit

Sindikata e Infermierëve të Kosovës ka shprehur shqetësimin lidhur me ikjen e stafit shëndetësor nga Kosova, në mingesë të pagesave dinjitoze, shkruan Albinfo.ch.

Në një njoftim për media kjo sindikatë ka njoftuar se vetëm gjatë vitit 2021, 400 infermierë kanë ikur nga vendi derisa gjatë këtij viti, ky numër mund të shkojë në 900.

“Sindikata e Infermierëve të Kosovës u’a kujton Ministrisë së Shëndetësisë dhe Qeverisë së Republikës së Kosovës që vetëm gjatë viti 2021 nga Kosova janë larguar mbi 400 infermier, ndërsa gjatë këtij viti pritet që ky numër të shkoj deri në 900 infermier”, thuhet në njoftimin e tyre, përcjell Albinfo.ch.

Kjo sindikatë ka kërkuar që të merren parasysh kërkesat e tyre nga ministria e Shëndetësisë dhe Qeveria.

---