Kosova
Republika e re është fëmijë i qytetarëve të saj
"Ne do të vazhdojmë të punojmë së bashku me diasporën në Zvicër: që Kosova sa më shpejt të bëhet pjesë e plotë e bashkësisë ndërkombëtare, që më në fund të hapet sërish rruga drejt Evropës"
Më 17 shkurt Republika e Kosovës feston 14 vjetorin e lindjes. Fëmijët tanë në shtëpi mund të jenë vetëm tre dhe gjashtë vjeç, por kam dëgjuar të thonë se fëmijët rreth 14 vjeç nuk janë më të lehtët për t`iu qasur. Nga njëra anë, Kosova është fëmija i vogël i ngjarjeve të mprehta në historinë botërore dhe i një lufte brutale. Plagët e shkaktuara nuk janë shëruar deri më sot, drejtësia pothuajse nuk ka ardhur në vend ose jo plotësisht. Nga ana tjetër, republika e re është edhe fëmijë i qytetarëve të saj. Kjo është ajo që më bën përshtypje: me çfarë përkushtimi dhe bindjeje dhjetëra mijë kosovarë në vend dhe nga diaspora punojnë çdo ditë për të forcuar vetëvendosjen dhe drejtësinë sociale, edhe kur shenjat për këtë nuk janë gjithmonë inkurajuese.
Personalisht, jam i bindur se duhet t`i takojë të kaluarës koha kur bashkësia ndërkombëtare i thoshte Kosovës se çfarë duhet të bëjë e çfarë të mos bëjë. Marrëdhënia mes vendeve evropiane dhe Kosovës duhet të ndryshojë urgjentisht, ajo nuk ka arritur ende në nivelin e të barabartëve. Prandaj ne do të vazhdojmë të punojmë së bashku me diasporën në Zvicër: që Kosova sa më shpejt të bëhet pjesë e plotë e bashkësisë ndërkombëtare, që më në fund të hapet sërish rruga drejt Evropës, në mënyrë që shteti ende i ri të marrë burimet që i nevojiten për të krijuar drejtësi dhe një të ardhme për të gjithë.
Por kjo punë duhet të shkojë paralelisht edhe me përmbushjen e detyrave të brendshme politike, dhe kjo kërkon ndershmëri: Republika duhet të merret pa tabu me luftën kundër arbitraritetit, korrupsionit, mosndëshkimit dhe kundër strukturave joefikase në administratë dhe ekonomi. Vështirësitë evidente të këtyre ditëve tregojnë se sa e rëndësishme është kjo. Dy figurat e forta të gjeneratës së re politike në Kosovë, Albin Kurti dhe Vjosa Osmani, e kanë dëshmuardhe demonstruar vazhdimisht këtë vullnet. Kjo më jep shumë shpresë personalisht për 14 vitet e ardhshme. Le ta bëjmë!
- Cédric Wermuth, Deputet Nacional, Bashkëkryetar i PS-së Zvicër, Bashkëkryetar i Grupit Parlamentar Zvicër – Kosovë. Këtë editorial e ka shkruar për numrin e ri të magazinës albinfo.ch, me rastin e përvjetorit të 14-të të pavarësisë së Kosovës
Të ngjashme
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore