Biden paralajmëron masa të ashpra kundër Rusisë

Sipas tij SHBA nuk do të ndërhyjë ushtarakisht por do të vendosë sanksione të rënda për Rusinë

Presidenti amerikan Joe Biden ka mbajtur një konferencë për media ku ka dënuar sulmin e Rusisë ndaj Ukrainës.

Ai tha se SHBA dhe eatët e saj shumë shpejt do të vendosin masa ndaj Kremlinit si kundërpërgjigje ndaj agresionit ushtarak, njofton Albinfo.ch.

Biden tha se sanksionet e rena do të kenë pasoja të menjëhershme ndaj ekonomisë ruse, duke penguar zhvillimin e teknologjisë në fusha të ndryshme, nga ajo civile tek ajo hapësinore.

“Do të jetë fusha bankare dhe financiare ajo që sipas tij do të goditet më shumë, me asete të bllokuara që shkojnë deri në 1 trilion dollarë, por edhe çdo mundësi investimi rus në dollarë”, theksoi Biden.

Presidenti amerikan rikonfirmok se ushtarët amerikanë nuk do të ndërhyjnë në territorin ukrainas, por siç u shpreh ai, do të merren masa për të siguruar vendet aleate të NATO-s, që artikulli 5 që parashikon ndërhyrje ushtarake në qoftë se një anëtar i Aleancës sulmohet, do të respektohet menjëherë.

“Putin ka ambicie më të mëdha se Ukraina, ai do të rikthejë Bashkimin Sovjetik. Diçka që shkon në drejtim të kundërt me atë ku po shkon bota”, tha Biden.

 

---