Këshilli i Evropës: Vrasja dhe vuajtja e njerëzve në Ukrainë duhet të ndalet tani

(KEYSTONE/Martin Ruetschi)

Këshilli i Evropës ka lëshuar një deklaratë, duke kërkuar që të ndalojnë vrasjet dhe vuajtjet e njerëzve në Ukrainë nga forcat ruse.

Në një deklaratë thuhet: “Për të gjashtën ditë, sulmi ushtarak i Rusisë kundër Ukrainës ka vazhduar të sjellë vdekje dhe shkatërrim në zemër të Evropës. Në vetëm pak ditë, lufta ka çuar në vdekjen ose plagosjen e qindra njerëzve, duke përfshirë shumë fëmijë”.

“Granatimet e fundit të qytetit të Kharkiv kanë nxjerrë në pah shpërfilljen e hapur të forcave ruse për jetën civile, me dhjetëra njerëz të vrarë dhe të plagosur dhe shumë objektiva civilë, duke përfshirë blloqe apartamentesh dhe një kopsht fëmijësh, të goditura nga raketa të padrejtuara dhe municione të dyshuara thërrmuese”.

Ai shtoi se kjo luftë “shkel ligjin ndërkombëtar dhe të drejtat e njeriut dhe godet të drejtën humanitare”./dailymail