Lajme
Astronomja shqiptare, doktorante në Departamentin e Shkencave të Tokës dhe Planeteve në “UC Santa Cruz”
Pranvera Hyseni, astronomja që i bëri gjithë shqiptarët krenar për arritjet e saj profesionale, tani do të nis sudimet e saj në Universitetin e Kalifornisë
E lindur dhe e rritur në qytetin e Vushtrrisë, në Kosovë, Pranvera Hyseni që në moshë të re kishte tërheqje ndaj fushës së astronomisë, duke u “zhytur” thellë në gjithësi, si një paralajmërim se një ditë ka për t’u bërë një studiuese astronomike, shkruan albinfo.ch.
Në vitin 2020 Pranvera filloi studimet në Shtetet e Bashkura të Amerikës, në Universitetin e Kalifornisë, në Santa Claus, studime Mastër, në Shkenca Planetare, për studimin e sistemit diellor dhe planetëve të tjerë.
Ajo është edhe një promovuese e shkëlqyer e Kosovës dhe po përfaqëson shqiptarët në mënyrën më të mirë me botën e saj të pasur në shumë konferenca shkencore, ndërkombëtare, duke përmendur Kosovën dhe duke siguruar donacione të shumta për astronomi.
Së fundmi, ajo është pranuar për të vazhduar doktoraturën në Universitetin e Kalifornisë, në Departamentin e Shkencave të Tokës dhe Planeteve në “UC Santa Cruz”, shkruan tutje albinfo.ch.
“Jam shumë i emocionuar të njoftoj se më është ofruar pranimi për t’u bashkuar me programin e doktoraturës në Departamentin e Shkencave të Tokës dhe Planetare në UC Santa Cruz”, shprehet Pranvera.
Po ashtu ajo tregon se ky është një lajm tepër emocionues për të dhe mezi pret të hetojë asteroidët e brezit kryesor dhe më gjerë si pjesë e kërkimit të saj.
“Nuk do të kisha arritur pa mbështetjen e të gjithë njerëzve përreth meje. Shpresoj që duke arritur një doktoraturë në SHBA, të mund të tregoj shembull se edhe në një vend me një histori jo të mirë si Kosova, të rinjtë e këtij vendi mund të arrijnë gjëra të mëdha”, përfundon Pranvera. /Albinfo.ch
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter