Kriza në Ukrainë
Mbi 4 milionë ukrainas kanë ikur nga vendi
Kombet e Bashkuara kanë thënë që më shumë se katër milionë ukrainas kanë ikur nga vendet e tyre, si pasojë e pushtimit të paprovokuar rus në Ukrainë.
Agjencia e OKB-së për Refugjatë ka shprehur shqetësim më 30 mars se disa sulme të forcave ruse në Ukrainë mund të përbëjnë krime lufte.
Sipas kësaj Agjencie, numri total i refugjatëve deri më 29 mars ka qenë 4.02 milionë, dhe rreth gjysma e tyre kanë bërë rrugën fillestare në Poloni, përcjell Albinfo.ch.
“Numri i refugjatëve nga Ukraina tani ka shkuar në katër milionë, pesë javë pas nisjes së sulmeve ruse”, ka thënë Komisionari i Lartë i OKB-së për Refugjatë, Filippo Grandi.
Më shumë se gjashtë milionë ukrainas besohet se janë zhvendosur brenda shtetit.
Para nisjes së pushtimit rus, Ukraina ka pasur një popullsi prej 37 milionë banorësh në rajonet që kanë qenë nën kontrollin qeveritar, duke përjashtuar Krimenë e aneksuar nga Rusia dhe rajonet në lindje, që kontrollohen nga separatistët e mbështetur nga Rusia.
Komisionarja e Lartë e OKB-së për të Drejta të Njeriut, Michelle Bachelet, ka thënë më 30 mars se Ukraina është përballur me “ankth” prej kur ka nisur pushtimi rus.
“Jetët e miliona njerëzve janë përmbysur teksa detyrohen të ikin nga shtëpitë e tyre apo të fshihen nëpër bodrume, ndërkohë që qytetet shkatërrohen nga bombardimet”, ka thënë ajo, transmeton Rel.
Bachelet ka thënë se zyra që drejton ajo, ka pranuar supozime të besueshme se forcat e armatosura ruse kanë përdorur municione në zonat e populluara në të paktën 24 raste.
Zyra e saj ka verifikuar edhe 77 incidente ku janë dëmtuar objekte mjekësore.
“Sulmet pa dallim ndalohen sipas ligjit ndërkombëtar dhe mund të përbëjnë krime lufte”, ka thënë Bachelet.
Të tjera nga Kriza në Ukrainë
E-Diaspora
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian Kryeministri Edi Rama, fjalimin në pallatin e sportit “Busto Arsizio” në Itali, e nisi me një...
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
Jeta në Zvicër
-
Mediumi zviceran pas përfundimit të procesit të regjistrimit: Popullsia e Kosovës po tkurret Ditën e premte në Kosovë ka përfunduar procesi i regjistrimit të popullsisë dhe brenda një muaji...
-
Zvicra mohon ultimatumet e samitit të paqes në Ukrainë
-
Shaqiri i bashkohet Zvicrës më herët se që pritej
-
Pse zviceranët duan të punojnë më pak
-
TPG do të punësojë 200 shoferë