Parlamenti Evropian kërkon nga Serbia qëndrim të qartë për luftën në Ukrainë

Në të kundërtën paralajmërohen pasoja në rrugën e saj eurointegruese

Serbia është i vetmi vend në Evropë që ende nuk ka një qëndrim të prerë karshi luftës në Ukrainë, për shkak të raporteve të saj speciale me Rusinë.

Pozicionimi rreth një qëndrimi të prerë i është kërkuar sërish nga Parlamenti Evropian.

Grupimi socialistëve dhe demokratëve të Parlamentit Evropian kanë kërkuar nga presidenti serb, Aleksandar Vuçiq, që të ketë një qëndrim të qartë sa i përket luftës së Rusisë në Ukrainë.

“Serbia gjithashtu duhet të përafrohet me sanksionet e BE-së kundër Rusisë pas luftës së Putinit kundër Ukrainës sa më shpejt të jetë e mundur. Përndryshe, kjo do të ketë pasoja për perspektivën e saj në BE”, thuhet në reagimin e këtij grupi.

---