Moska kërcënon sërish vendet që po armatosin Ukrainën

Sipas zyrtarëve të Kremlinit, kjo do të jetë me pasoja të rënda

Presidenti i Ukrainës, Volodimir Zelensky, i ka kërkuar sërish armë Perëndimit.

“Sa më shumë të kemi, aq më shpejt do të kthehet paqja”, thotë ai.

Ndërkohë gatishmëria e disa vendeve evropiane për të dërguar armë në Ukrainë ka acaruar Kremlinin zyrtar.

Moska ka kërcënuar Shtetet e Bashkuara të Amerikës me pasoja të rënda. I njëjti paralajmërim është lëshuar edhe në adresë të Italisë. Kjo e fundit, këtë javë pritet të miratojë një paketë të dytë ndihmash ushtarake për Kievin.

---