Lajme
18 muaj burgim me kusht për të riun shqiptar: ka shkelur dy gra me mercedesin e babait
Kryesuesi i trupit gjykues të Gjykatës së Qarkut të Cyrihut ka dënuar atë me 18 muaj burgim për kundërvajtje të rëndë në trafik dhe lëndim trupor nga pakujdesia
Manovrimi i 24 vjeçarit mund të ishte fatal. I riu nga Cyrihu dëshironte të ishte më i shpejti me Mercedesin e fuqishëm me 510 kualfuqi C63 të babait të tij. Ai dëshironte të parakalonte një BMW 330i, që po ashtu po priste dritën e gjelbër në korsinë ngjitur, transmeton albinfo.ch. E gjitha, për pak të përfundonte në një një katastrofë.
Për të arritur këtë qëllim, sipas prokurorit ai madje kishte fikur “Programin Elektronik të Stabilitetit (ESP)”. Aksidenti ka ndodhur më 25 mars 2021 në Cyrih.
Për këtë arsye ai, të martën, ai u desh të përgjigjej para Gjykatës së Qarkut të Cyrihut.
Shqiprim B.* i kishte dhënë aq shumë makinës sa që ajo ka devijuar në mes të kryqëzimit dhe ka rrëshqitur, shkruan blick.ch. Për pasojë, makina ka përplasur një semafor në trotuarin e djathtë. Pikërisht në atë moment, në trotuar ndodheshin një vrapuese (30) dhe një çiklist (30), të cilët u goditën nga makina e fuqishme.
Në sallën e gjykimit, të hënën janë projektuar sekuenca nga videot që kanë marrë kamerat në vendin e ngjarjes. Rastësisht dy automjete që lëviznin në afërsi e kanë regjistruar aksidentin me kamerat e tyre. Aty shihet sesi Mercedesi ka rrëshqitur në kryqëzim dhe ka goditur dy gratë. Ka qenë një mrekulli që askush nuk është lënduar rëndë ose vrarë.
Vrapuesja ka shpëtuar me një dëmtim të vogël traumatik të trurit, një vetull të çarë dhe një mollëz të mavijosur. Ndërsa çiklistja ka lënduar gjurin, kyçin e këmbës dhe njërën dorë. Vetëm shoferi ka shpëtuar pa asnjë pasojë.
“Kam fikur në mënyrë të pandërgjegjshme programin e stabilizimit”
“Më vjen mirë që gratë e goditura janë sërish mirë dhe nuk janë lënduar rëndë”, thotë gjatë procesit Shqiprim B, transmeton albinfo.ch Megjithatë, ai mohon të ketë fikur në mënyrë specifike programin e stabilizimit. “Kjo ka ndodhur pa vetëdije. Gabimi im ishte se e kam drejtuar makinën shumë djathtas”. Ai thotë se këtë merecdes e ka ngarë vetëm 6 herë deri në rastin e aksidentit.
Por, gjatë marrjeve të para në pyetje, ai kishte deklaruar krejt ndryshe, përcjell albinfo.ch. Shqiprim B. kishte deklaruar se ai e kishte përdorur Mercedesin pothuajse çdo ditë gjatë një viti e gjysmë. Ai gjithashtu pranoi atëbotë kishte pranuar se kishte fikur qëllimisht ESP-në.
I pyetur për këtë nga gjykata, Shiprimi, i cili kundërshton vendosmüerisht që ta etiketojnë si “raser”, fajëson avokatin e tij të parë. Ai i kishte thënë se duhet të tregohej bashkëpunues me prokurorinë publike, përndryshe do të mbahej në paraburgim”.
Kryesuesi i trupit gjykues, me rastin e shqiptimit të vendimit ka përshkruar deklaratat e sotme të të akuzuarit si “të pabesueshme”, përcjell albinfo.ch. Ai e ka dënuar Shqiprim B. me 18 muaj burgim për kundërvajtje të rëndë në trafik dhe lëndim trupor nga pakujdesia.
I gjithë procesi i kushton atij mbi 20,000 franga ndërsa veç kësaj, avokati kushton rreth 10,000 franga.
- Emri, i koduar
(Foto: Stapo Zürich)
Të ngjashme
Të tjera nga Lajme
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll