Lajme

Zvicër: Brenda një jave, 39% më pak pacientë në kujdesin intensiv

Janë 27 pacientë me Covid-19 në kujdes intensiv që është 39 për qind më pak krahasuar me javën e kaluar. Janë regjistruar 10 vdekje gjatë një jave

E martë, 24 Maj 2022 - 16:45 albinfo.ch

(KEYSTONE/Ti-Press/Alessandro Crinari)

Zyra Federale e Shëndetit Publik raportoi sot 8,125 raste të reja që kanë rezultuar pozitive me koronavirus në javën e fundit.
Kjo e vendos mesataren 7-ditore në 1209 ose 24 për qind më pak se në javën e kaluar.

Incidenca 14-ditore aktualisht është 251.51.

BAG raporton 100 shtrime të reja në spital, mesatarja 14-ditore është 17 shtrime në ditë. Aktualisht 374 persona po trajtohen në spital për Covid-19 dhe kjo është 21 për qind më pak se në javën e kaluar.

Për momentin janë 27 pacientë me Covid-19 në kujdes intensiv që është 39 për qind më pak krahasuar me javën e kaluar. Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht 71 për qind të zënë. 3 për qind e shtretërve të kujdesit intensiv janë të zënë nga pacientët me Covid 19.

BAG raporton 10 raste të reja të vdekjes gjatë 7 ditëve të fundit.