NATO, në partneritet të fortë me Zvicrën

Zvicra dhe NATO duan 'lidhje më të ngushta'

Sekretari i Përgjithshëm i NATO-s, Jens Stoltenberg, siguroi ministren zvicerane të Mbrojtjes, Viola Amherd, të martën se aleanca ushtarake do të mbajë një partneritet të fortë me Zvicrën, njofton albinfo.ch.

Ai tha se është “i hapur për lidhje më të ngushta”, një mesazh që “ishte shumë i rëndësishëm, sepse dua një bashkëpunim të ngushtë gjithashtu”, u përgjigj Amherd.

 

Today I met with the NATO Secretary General @jensstoltenberg @WEF in Davos. We exchanged views on the war in #Ukraine and discussed future cooperation between @NATO and #Switzerland. We want to continue to make our contribution to security in #Europe.#WEF22 #Davos #swissgovwef22 pic.twitter.com/H0SOWCXW2g

— Viola Amherd (@Violapamherd) May 24, 2022

Edhe pse disa politikanë zviceranë po bëjnë presion për një shkallë më të madhe të integrimit në NATO për shkak të pasigurive që lidhen me luftën në Ukrainë, Zvicra nuk mund të bëhet anëtare për shkak të politikës së saj të gjatë të neutralitetit.

Sidoqoftë, Zvicra ka një marrëdhënie me organizatën përmes programit të saj Partneriteti për Paqe (PfP), dhe gjithashtu merr pjesë në stërvitjet ushtarake me NATO-n në lidhje me sulmet kibernetike.

“Ne po studiojmë çështjen” se si Zvicra mund të vazhdojë bashkëpunimin e saj me NATO-n pa kompromentuar neutralitetin e saj, tha Amherd. /Albinfo.ch

---