Lajme
Elon Musk, Jeff Bezos dhe Bill Gates humbin 115 miliardë dollarë për pesë muaj

Miliarderët Elon Musk, Jeff Bezos dhe Bill Gates kanë pësuar një humbje kolektive prej 115 miliardë dollarësh gjatë këtij viti, pasi tregjet e aksioneve shënuan rënie.
Sipas Indeksit të Miliarderëve, publikuar nga Bloomberg, pasuria e Musk ka rënë me 46.4 miliardë dollarë, e Bezos me 53.2 miliardë dollarë, ndërsa e Gates me 15.1 miliardë dollarë.
Bernard Arnault, pronari i konglomeratit francez LVMH dhe personi i tretë më i pasur në botë, ka pësuar një rënie prej 44.7 miliardë dollarësh në vlerën e tij që nga janari, në 133 miliardë dollarë.
Pjesa më e madhe e pasurisë së Musk dhe Bezos është e lidhur me aksionet e Teslas dhe Amazonit. Musk ka 15.6 për qind të aksioneve në Tesla me vlerë rreth 122 miliardë dollarë, pasi aksionet në prodhuesin e makinave elektrike ranë pothuajse 37 për qind këtë vit.
Ai gjithashtu ka blerë 9.2 për qind të aksioneve në Twitter, gjë që i bëri investitorët të vënë në dyshim angazhimin e tij ndaj Teslas. Musk shiti aksionet e Tesla me vlerë 8.4 miliardë dollarë për të financuar ofertën e tij të mëvonshme për blerje prej 44 miliardë dollarësh.
Gates ka një portofol më të larmishëm, gjë që e ka ndihmuar atë të përballojë ndryshimet e tregut të aksioneve. Fondacioni Bill dhe Melinda Gates, organizata filantropike që ai ngriti me ish-bashkëshorten e tij, ka investuar kryesisht në Berkshire Hathaway të Warren Buffettit, i cili është rritur me më shumë se 5 për qind këtë vit.
Të ngjashme
Të tjera nga Lajme
E-Diaspora
-
NZZ shkruan për ambasadorin e Kosovës në Bern, Mentor Latifin Përkushtimi dhe sfidat e ambasadorit të Kosovës në Zvicër sipas NZZ...
-
Kujdes bashkatdhetarë: Shkeljet në trafik në Kosovë mund t’ju kushtojnë edhe në Zvicër
-
Kosovë: Mërgimtari që voziti trotuarit bëhet viral edhe në Zvicër
-
Gzim Hasani, në mesin 20 CEO-ve më me ndikim në Zvicër sipas Handelszeitung
-
Vetëm 0.3% e arrijnë këtë sukses, Luani thyen paragjykimet në Gjermani
Jeta në Zvicër
-
Shumica e cigareve kontrabandë në Zvicër, vijnë nga Kosova Shumica e cigareve të importuara ilegalisht në Zvicër vijnë nga Kosova (80 milionë), Serbia (20 milionë)...
-
Gzim Hasani, në mesin 20 CEO-ve më me ndikim në Zvicër sipas Handelszeitung
-
Kujdes me suveniret e pushimeve, çantat e falsifikuara ndalohen në Zvicër
-
Rritje drastike e qirave pas rinovimeve në Lucernë
-
“Swiyu”, emri që kushtoi 62 mijë franga, për ҫfarë bëhet fjalë?