Lajme
Sulm në SHBA, vriten katër persona në Tulsa të Oklahomës
Të shtëna me armë në një spital në Oklahoma, katër të vrarë
Raportohet se katër persona janë vrarë në të shtënat me armë në një spital në Tusla, Oklahoma, sipas policisë amerikane.
Zyrtarët konfirmuan se sulmuesi i dyshuar, që kishte qenë i armatosur me një pistoletë dhe një pushkë, po ashtu ka vdekur.
Policia arriti në vendngjarje pasditen e së mërkurës në spitalin Saint Francis, tre minuta pas të shtënave.
Po ashtu, disa persona janë plagosur nga të shtënat. Shefi i policisë, Eric Dalgleish, tha se “kemi katër civilë dhe një sulmues të vdekur”.
Ai tha se sulmuesi, i cili ende nuk është identifikuar, besohet se ka bërë vetëvrasje.
I dyshuari “kishte një armë të gjatë dhe një pistoletë”, tha ai.
Ende nuk ka informacione për motivin e mundshëm të këtij sulmi.
Dalgleish tha se policia mori një telefonatë për sulmues aktiv në orën 16:52 sipas orës lokale dhe arriti në vendngjarje brenda tre minutash.
“Zyrtarët që arritën në vendngjarje dëgjuan të shtëna në ndërtesë, që i çoi ata në katin e dytë të ndërtesës”, tha ai.
Autoritetet thanë se po intervistojnë dëshmitarët që gjendeshin brenda spitalit, përfshirë edhe ata në katin e dytë, ku ndodhi sulmi.
Kapitali Richard Meulenberg tha për ABC News se kur policia arriti në vendin e ngjarjes, “disa persona ishin qëlluar me armë zjarri” dhe disa veçse kishin vdekur.
Ai tha se ishte një skenë “katastrofike”. Shtëpia e Bardhë njoftoi se presidenti amerikan, Joe BIden, është informuar për të shtënat në Tusla.
Shtetet e Bashkuara së fundmi janë përballur me të shtëna vdekjeprurëse, që kanë shtuar thirrjet nga Shtëpia e Bardhë për kontroll më të ashpër të armëve.
Nga të shtënat masive në një shkollë fillore në Uvalde të Teksasit, një sulmues vrau 21 persona, përfshirë 19 fëmijë. Ndërkaq, në një sulm tjetër në një dyqan ushqimor në Bufallo të Nju-Jorkut u vranë dhjetë afrikano-amerikanë.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla