Ylli, një arkitekt pa kufij

1/4 Katër portretet e veçanta që do të sjellim përmes këtyre reportazheve janë histori frymëzuese. Ylli, Zana, Rrezearti dhe Blerinda rrëfejnë se si kanë gjetur forcën e nuk e kanë humbur asnjëherë besimin për të ndjekur ëndrrat e tyre në Kosovë. Përmes kësaj pune modeste, qëllimi ynë është të vëmë në pah punën e palodhshme dhe pa shumë bujë të këtyre grave e burrave të cilët bashkë edhe me të tjerë si ta kontribuojnë në transformimin e vendit dhe të shoqërisë kosovare.

 

Të guxosh të ëndërrosh në Kosovë, do të thotë të kesh besim në aftësitë e popullit kosovar. Përmes këtij reportazhi, Ylli Shaqiri na shëtit rrugicave të fëmijërisë së tij, kujtime të bukura nga vitet e tij studentore për të na dërguar pastaj në studion e tij të arkitekturës “Centimetri”, themeluar në vitin 2005, ku ai realizon projektet e tij që tashmë janë me qindra. Me profesion arkitekt e me një pasion të madh për muzikën, Ylli është fort i ndjeshëm kur vjen puna te vendi i tij, të cilit ai ia arsyeton të gjitha problemet në emër të mungesës së përvojës. Në këtë vend, Ylli është një ndër shembujt se si mund të jesh i suksesshëm edhe pa e braktisur atë.

E sot, ngaqë ai dhe miqtë e tij kanë guxuar të ëndërrojnë në Kosovë, “Centimetri”, ky grup roku i shndërruar në studio arkitekture, përshkon me qindra mijëra kilometra rreth e përqark botës përmes projekteve të tyre që ngjizen në Kosovë.

---