Storje Suksesi
Blerinda, ambasadore e klimës dhe e ambientit në Kosovë
3/4 Katër portretet e veçanta që do të sjellim përmes këtyre reportazheve janë histori frymëzuese. Ylli, Zana, Rrezearti dhe Blerinda rrëfejnë se si kanë gjetur forcën e nuk e kanë humbur asnjëherë besimin për të ndjekur ëndrrat e tyre në Kosovë. Përmes kësaj pune modeste, qëllimi ynë është të vëmë në pah punën e palodhshme dhe pa shumë bujë të këtyre grave e burrave të cilët bashkë edhe me të tjerë si ta kontribuojnë në transformimin e vendit dhe të shoqërisë kosovare.
T’i qëndrosh afër vendlindjes, do të thotë të rrish afër natyrës së saj po ashtu. Është përkufizimi më i mirë i patriotizmit që na sjell ndërmend Blerinda Veliu, e pasionuar pas tokës, fryteve të saj si dhe specieve që e banojnë. Pas një vit e gjysmë studimesh jashtë vendit, ajo është kthyer në Kosovë me qëllim që dijet e nxëna dhe përvojat e marra t’i ofrojë në shërbim të ambientit ku jeton. Bashkë me të motrën Arnitën, ajo ka nisur një start-up për prodhimin e çajrave organikë të certifikuar, “Botanic”, produktet e të cilit shpërndahen në krejt Kosovën si dhe jashtë saj.
Për Blerindën bujqësia është një profesion fisnik dhe mu kjo është arsyeja që ajo asnjëherë nuk ka dashur të zhvendosë kompaninë e saj nga fshati i lindjes; të rrish pranë natyrës dhe të mbjellave është qenësore për të.
Ajo është e vetëdijshme se vendet e Evropës Perëndimore janë më të zhvilluara, e ka parë këtë me sytë e saj, por ajo e di gjithashtu se kjo ka ndodhur falë sakrificave të popujve të këtyre vendeve. Kështu, Blerindës nuk i trembet syri që të bëjë të pamundurën për të kontribuuar në zhvillimin e Kosovës dhe në mbrojtjen e natyrës në veçanti.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n