Lajme
Bundestagu vazhdon pa kufizim kohor misionin e Bundeswehr-it në Kosovë
Ndryshe nga angazhimet e tjera të Bundeswehrit jashtë vendit, në këtë mision nuk ka kufizim kohor
Misioni më i gjatë i jashtëm i Bundeswehr-it deri më sot mund të vazhdohet: të premten Bundestagu miratoi me shumicë të madhe votash zgjatjen në kohë të pacaktuar të pjesëmarrjes në misionin e KFOR-it të drejtuar nga NATO në Kosovë. Mandati i ri parashikon një kufi maksimal të personelit prej 400 ushtarësh gjermanë.
Aktualisht, megjithatë, vetëm rreth 70 janë të përfshirë në operacion, transmeton albinfo.ch. Qeveria Federale ka justifikuar kërkesën e saj për edhe një mandat gjithashtu edhe me “shqetësimet për përpjekjet ruse për destabilizimin” në Ballkan.
Bundestagu votoi me 526 pro dhe 99 vota kundër, për të zgjatur misionin, shkruan dpa.de. Dy deputetë abstenuan. Ndryshe nga angazhimet e tjera jashtë vendit, në këtë mision nuk ka kufizim kohor. Autorizimi për dërgimin e ushtarëve skadon nëse mandati i Këshillit të Sigurimit të OKB-së përfundon ose nëse NATO nuk e zgjat vendimin e dislokimit.
Misioni i KFOR-it është përgjegjës për sigurinë dhe stabilitetin në Kosovë që nga viti 1999. Ushtarët gjermanë ishin aty që në fillim. Në atë kohë, Kosova ishte shkëputur nga Serbia me një luftë dhe në vitin 2008 Kosova shpalli pavarësinë e saj.
Bundeswehri herë pas here ishte i përfshirë në operacion me disa mijëra ushtarë. Në dhjetor të vitit 2018, ai ka braktisur kampin në Prizren. Ushtarët e mbetur gjermanë që atëherë janë stacionuar në kryeqytetin kosovar, Prishtinë.
Në kërkesën e saj për mandat në Bundestag, Qeveria Federale e klasifikon situatën në Kosovë si “në vazhdimësi kryesisht e qetë dhe stabile”, transmeton albinfo.ch. “Megjithatë, ka ende potencial për konflikt dhe përshkallëzim, veçanërisht në veri të Republikës së Kosovës”, thuhet në njoftim. Marrëdhëniet e vazhdueshme të tensionuara ndërmjet Serbisë dhe Kosovës “mund të kenë gjithashtu një efekt indirekt në situatën e sigurisë në Republikën e Kosovës. Përveç kësaj, “në sfondin e agresionit rus në Ukrainë, shqetësimet për përpjekjet ruse për destabilizimin janë në rritje”.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve