Kolona të gjata të pritjes nëpër pikat kufitare të Kosovës

Ardhjet e mërgimtarve

Kolonat e gjata të pritjes nëpër pikat kufitare kanë filluar, veçmas ato me Serbinë, përcjell albinfo.ch.

Zakonisht sezoneve të ardhjes së mërgimtarëve në Kosovë krijohen edhe kolonat nëpër pika të ndryshme kufitare të Kosovës.

Tani për tani pika më e ngarkuar kufitare mbetët ajo te Dheu i Bardhë, kufiri me Serbinë, ku kolona që pret në hyrje për Kosovë është mbi 100 metra, ndërsa për dalje nga Kosova në drejtim të Serbisë është mbi 10 metra e gjatë.

Kurse pritjet për të hyrë në këtë pikë kufitare janë rreth rreth 30 minuta, ndërsa pritjet për të kaluar në Serbi janë afro 5 minuta.

Gjithashtu e ngarkuar është edhe pika tjetër, po ashtu me Serbinë, ajo në Merdar, ku pritjet për të hyrë në Kosovë janë rreth 15 minuta, ndërsa për të dalë nga Kosova duhen aktualisht rreth 40 minuta, kurse kolona e veturave në hyrje është afro 30 metra, ndërsa në dalje mbi 50 metra e gjatë.

E më pak e ngarkuar mbetët pika kufitare tjetër me Serbinë, e cila ndodhet në pjesë veriore të vendit, Jarinje, ku kolonat në hyrje dhe në dalje janë rreth 30 metra, ndërsa pritjet procedurale janë rreth 10 deri në 30 minuta.

Në pikat e tjera kufitare me vendet e tjera situata mbetët e njëjtë, ku trafiku zhvillohet normalisht.

 

---