Lajme
Ndryshimet klimatike po krijojnë mosmarrëveshje në kufirin zvicerano-italian
Shumë lart në Alpet me dëborë kufiri midis Zvicrës dhe Italisë është zhvendosur për shkak të shkrirjes së akullnajave, duke vënë në mosmarrëveshje vendndodhjen e një shtëpize malore italiane.
Vija kufitare shkon përgjatë një ndarje kullimi – pika në të cilën uji i shkrirë do të zbresë nga njëra anë e malit drejt një vendi ose tjetrit.
Por, tërheqja e akullnajës Theodul do të thotë se pellgu ujëmbledhës është zvarritur drejt Rifugio Guide del Cervino, një strehë për vizitorët pranë majës Testa Grigia 3,480 metra – dhe gradualisht po fshihet nën ndërtesë.
Shkrirja e akullnajave po i ndryshon kufijtë e Zvicrës?
Frederic, një turist 59-vjeçar, hap derën e ngushtë prej druri për të hyrë në restorantin e strehës, ndërsa drita vërshon nga jashtë.
Menuja është në italisht, jo gjermanisht, dhe çmimi është në euro dhe jo në franga zvicerane. Megjithatë, në banak, ai porosit një fetë byrek dhe pyet: “Pra, jemi në Zvicër apo në Itali?”
Është një pyetje që ia vlen të bëhet, pasi ka qenë objekt i negociatave diplomatike që filluan në 2018 dhe përfunduan me një kompromis vitin e kaluar – por detajet mbeten sekrete.
Duke fjetur në anën zvicerane
Kur streha u ndërtua në një dalje shkëmbore në vitin 1984, 40 shtretërit dhe tavolinat e gjata prej druri ishin tërësisht në territorin italian.
Por tani dy të tretat e shtëpizës, duke përfshirë shumicën e shtretërve dhe restorantin, janë teknikisht të vendosura në Zvicrën jugore.
Çështja ka dalë në pah sepse zona, e cila mbështetet në turizëm, ndodhet në majë të një prej vendpushimeve më të mëdha të skive në botë, me një zhvillim të ri të madh, duke përfshirë një stacion teleferiku që po ndërtohet pak metra larg.
Një marrëveshje u arrit në Firence në nëntor 2021, por rezultati do të zbulohet vetëm pasi të jetë vulosur nga qeveria zvicerane – gjë që nuk do të ndodhë para vitit 2023, shkruan the local.ch, përcjell albinfo.ch.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h