Mjeku tregon gjendjen e fëmijëve të çiftit mërgimtar që vdiq në aksidentin në Podujevë

Mosha e fëmijëve është 4 dhe 5 vjeç.

Viktimat janë çifti Sh.S 36 vjeç dhe M. S 35 vjeçe, ndërsa të plagosur kanë mbetur dy fëmijët e tyre.

Ata po ktheheshin nga Sllovenia në Kosovë për pushime me një makinë me targa të huaja, ku më pas janë përplasur me autobusin.

Pas aksidentit, nga Emergjenca e Qendrës Klinike dhe Universitare e Kosovës kanë dhënë detaje për gjendjen e dy fëmijëve që mbetën të lënduar nga aksidenti në Podujevë, ku vdiqën dy persona, përcjell albinfo.ch.

Drejtori i Emergjencës, Naser Syla, është shprehur se gjendja e tyre është stabile aktualisht, por se kanë lëndime të rënda.

Ai ka treguar se mosha e fëmijëve është 4 dhe 5 vjeç.

“Që të dy janë duke u trajtuar në Qendrën Emergjente. Janë kryer disa ekzaminime mjekësore, të cilat kanë qenë të nevojshme dhe për momentin gjendja e tyre është stabile, mirëpo kanë lëndime të rënda”, tha Syla.

---