Lajme
Djali i Igli Tares transferohet te Rapidi i Vjenës
Futbollisti Tare ka nënshkruar kontratë 1-vjeçare me mundësi vazhdimi me Rapidin e Vjenës, shkruan albinfo.at
Etienne Tare mbylli aventurën e tij me Lazion U19 dhe është transferuar në Austri. Djali i Igli Tares, ish-sulmuesit të Kombëtares dhe drejtorit sportiv të Lazios, ka nënshkruar një kontratë 1-vjeçare me mundësi vazhdimi me Rapidin e Vjenës, shkruan albinfo.at
Sulmuesi do të bashkohet me ekipin e dytë të Rapidit, që garon në divizionin e dytë të futbollit austriak. Etienne ka lindur në Brescia, ekip ku babai i tij kaloi vitet më të bukura të karrierës.
Drejtori sportiv i Rapidit, Zoran Barišić tha për transferimin: “Tare është një qendërsulmues shtatlartë që ka ende shumë potencial për zhvillim. Ne e shohim atë në projektin tonë të ri dhe tani ai duhet të fitojë përvojën e vlefshme në futbollin e të rriturve me ekipin tonë të dytë”, ka thënë ai për mediat austriake, transmeton albinfo.at.
Ndërkohë, vetë Tare ka thënë se nuk u mendua dy herë kur iu dha mundësia për t’u bashkuar me SK Rapid. “Kam kaluar gjithë jetën time futbollistike te Lazio, tani mezi pres të filloj këtu dhe të takoj bashkëlojtarët e mi të rinj”, shprehet ai.
Tani 18-vjeçari është gati të provojë aventurën e parë jashtë Italisë. Objektivi është shënimi i sa më shumë golave dhe kalimi sa më shpejt tek ekipi i parë dhe më i dashuri i kryeqytetit austriak.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit