Lajme
Gjermani: Policia vret emigrantin 16-vjeçar
Raportohet se rasti i një 16-vjeçari nga Senegali, i cili u qëllua dhe u vra nga policia në Dortmund me automatik “për vetëmbrojtje”, sikurse njoftojnë, ka shkaktuar reagime në Gjermani, përcjell albinfo.ch.
Policia ishte lajmëruar nga një partner i shërbimeve të mirëqenies, duke folur për një refugjat të ri, të pashoqëruar, me sjellje të paqëndrueshme psikologjikisht, i cili mbante një thikë dhe rrezikonte të vriste veten, siç thekson Deutsche Welle.
Në vendngjarje kanë shkuar 11 efektivë të policisë, të cilët fillimisht kanë përdorur sprej piper dhe një taser (armë policie me rrymë elektrike), pa efekt. Tensioni është përshkallëzuar, ku 16-vjeçari ka kërcënuar me thikë policinë. Më pas u dëgjuan gjashtë të shtëna nga një automatik MP 5. Pesë plumba qëlluan për vdekje të riun, i cili u dërgua në spital, por nuk u mbijetoi plagëve të marra.
Oficeri 29-vjeçar që ka qëlluar do të përballet me akuzën e vrasjes nga pakujdesia, por hetimet janë në vijim. Në fakt, brenda pak ditësh kishte pasur tre incidente të ngjashme në Frankfurt, Këln dhe në qytetin Oer-Erkenswick, në Luginën e Ruhrit.
Ngjarja në Dortmund kishte shkaktuar protesta, ku qytetarë dolën në rrugë me parrulla “Vrasës, vrasës”, kundër policisë.
Thomas Feltes, profesor emeritus në Universitetin e Bochum-it, ka dyshime serioze për sjelljen e policisë. Siç shprehet ai për Deutsche Welle-n, “policia në periferitë veriore të Dortmundit nuk është e spikatur për prirjen e saj për t’u qëndruar larg kritereve racore. Herë pas here ka kontrolle me motive racore”, tha ai.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet i vdekur në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut