Shqipëria
Më shumë se 4000 shqiptarë ikën me gomone drejt Britanisë këtë vit
Duke shfrytëzuar hapësirat ligjore, shqiptarët që mbërrijnë në Angli pretendojnë se janë trafikuar apo shfrytëzuar, dhe kjo e bën më të vështirë deportimin e tyre.
Gazeta britanike “Daily Mail” raporton se deri tani, këtë vit, më shumë se 4000 shqiptarë kanë kaluar kanalin e La Manshit për të mbërritur nga Franca në Angli.
Por, sipas burimeve zyrtare, të cituara nga “Daily Mail”, rritja e numrit të shqiptarëve vjen si pasojë e përdorimit të taktikave të reja të trafikantëve dhe dobësimit të ligjeve të “skllavërisë moderne” në Mbretërinë e Bashkuar.
“Shqiptarët paguajnë më shumë dhe u garantohet qëndrimi në Britani. Këta njerëz vijnë në vendin tonë dhe shpesh shmangin largimin, duke shfrytëzuar ligjet e skllavërisë moderne”, citohet burimi i Ministrisë së Brendshme, transmeton Albinfo.ch.
Duke cituar burime nga Ministria e Brendshme në ishull, shifrat e personave që kalojnë ilegalisht pritet të rriten ndjeshëm këtë vit, krahasuar me një vit më parë që arritën në nivelin e 28500 emigrantëve. Deri tani, numri i emigrantëve të paligjshëm që kanë hyrë në Britani ka arritur në 20000, çka do të thotë se 1/5-ta e tyre ishin shqiptarë.
Nga po të njëjtat burime raportohet se vetëm në qershor-korrik kanë mbërritur 1075 shqiptarë me varka të vogla, të cilët gjejnë oferta të mira përmes rrjeteve sociale, sidomos TikTokut. Në javët edhe muajt e fundit, videot e gomoneve të mbushura me emigrantë janë përhapur gjithmonë e më shumë, ku nuk kanë munguar edhe incidentet në det të hapur.
Të tjera nga Shqipëria
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Zvicër
-
Në këtë kohë dhe vend priten kolona për festat publike në Zvicër Edhe pse priten bllokime të gjata trafiku, shërbimi i informacionit mbi trafikun vlerëson se mundësia për...
-
Vazhdon ulja e shkallës së papunësisë në Zvicër
-
Kosova në fokus të takimeve Zvicër – Itali
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
A po kthehet koronavirusi në Zvicër?