Lajme
Biden nënshkruan projektligjin 700 miliardë dollarësh për klimën, taksat dhe kujdesin shëndetësor
Presidenti i SHBA, Joe Biden ka nënshkruar një projekt-ligj prej 700 miliardë dollarësh (579 miliardë paund) që synon të luftojë ndryshimet klimatike dhe kostot e kujdesit shëndetësor, duke rritur taksat kryesisht për të pasurit, shkruan BBC.
Projektligji, i quajtur “Akti i Reduktimit të Inflacionit”, është një arritje e madhe legjislative për demokratët përpara zgjedhjeve afatmesme. Projektligji kaloi Dhomën e Përfaqësuesve dhe Senatin javën e kaluar me mbështetjen e çdo demokrati dhe asnjë republikani.
Presidenti e përshëndeti projektligjin ndërsa e nënshkroi të martën si “pjesa e fundit” e agjendës së tij të brendshme.
“Me këtë ligj, populli amerikan fitoi dhe interesat e veçanta humbën,” tha Biden nga Shtëpia e Bardhë.
“Sot ofruam prova të mëtejshme se shpirti i Amerikës është i gjallë”, shtoi Biden.
Nga kjo paketë, 375 miliardë dollarë janë për të luftuar ndryshimet klimatike – investimi federal më i rëndësishëm në histori në këtë çështje.
Një analizë nga shkencëtarët e “Climate Action Tracker” thonë se projektligji do të zvogëlojë ngrohjen globale në të ardhmen “jo shumë, por as në mënyrë të parëndësishme”.
Paketa gjithashtu i lejon qeverisë të negociojë çmime më të ulëta për disa ilaçe me recetë të ofruara sipas programit të të sigurimit shëndetësor “Medicare” për ata mbi 65 vjeç.
Pavarësisht se quhet Akti i Reduktimit të Inflacionit (IRA), paketa do të ketë zero ndikim të matshëm në inflacion, sipas një analize nga Modeli i Buxhetit Penn Wharton, një grup ekonomistësh dhe shkencëtarësh të të dhënave në Universitetin e Pensilvanisë./BBC/
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)