Kurti prezantoi në Bruksel disa kapituj që duhet t’i ketë marrëveshja

Zyra e Kryeministrit Albin Kurti përmes një komunikate ka thënë se takimi i sotëm në Bruksel, do duhej të mbahej më 19 korrik, por u shty me kërkesë të palës serbe.

Zyra e Kryeministrit Albin Kurti përmes një komunikate ka thënë se takimi i sotëm në Bruksel, do duhej të mbahej më 19 korrik, por u shty me kërkesë të palës serbe.

Në njoftim thuhet se sot ishte në diskutim për kornizën e përgjithshme të marrëveshjes, për të cilën kryeministri Kurti ka thënë se duhet të jetë ligjërisht e obligueshme për normalizimin e plotë të marrëdhënieve me njohje reciproke në qendër.

Në njoftim theksohet se kryeministri Kurti ka prezantuar disa kapituj me elemente përkatëse që duhet t’i përmbajë kjo kornizë.

“Tema e dytë ishin çështjet aktuale politike e të sigurisë për të cilat Kryeministri Kurti tregoi për rëndësinë e ligjshmërisë dhe kushtetutshmërisë në vendin tonë si garancione të paqes, sigurisë dhe barazisë për të gjithë qytetarët pa dallim”, thuhet në njoftim.

Kryeministri Kurti ka falënderuar Bashkimin Evropian, Përfaqësuesin e Lartë për Politikë të Jashtme, Joseph Borrel dhe dhe ndërmjetësin Miroslav Lajçak, për organizimin dhe ndërmjetësimin në këto bisedime, drejt normalizimit të marrëdhënieve bilaterale ndërmjet Republikës së Kosovës dhe Serbisë./Albinfo.ch/

---