Shqipëri: Reagon ministria e mbrojtjes, sqaron se si tentuan rusët të hyjnë në fabrikë të armëve

Ministria e Mbrojtjes e Shqipërisë ka reaguar lidhur me incidentin e ndodhur në Uzinën e Gramshit e ku mbetën të lënduar dy ushtarë shqiptar.

Kjo ministri ka sqaruar rrethanat se si ndodhi ky rast.

‘Tre shtetas me pasaporta ruse dhe ukrainase kanë tentuar të hyjnë në uzinë. Menjëherë kanë reaguar efektivët që ishin në ruajtje të uzinës, por gjatë përpjekjeve për t’i ndaluar 3 shtetasit e huaj janë lënduar dy ushtarakët tanë, të cilët janë nën kujdesin e mjekëve në spitalin e Traumës në Tiranë.

Shtetasit e huaj janë ndaluar nga autoritetet, ndërsa vijojnë hetimet për të zbardhur rrethanat e ngjarjes”, thuhet mes tjerash në njoftim.