Shqipëri: Arrestohen 4 shtetas çekë, fotografuan fabrikën e armëve në Berat

Katër shtetas çekë janë arrestuar nga policia, pasi janë kapur teksa fotografonin pranë uzinës së armëve në Poliçan.

Burime bëjë me dije se çekët u arrestuan nga policia ushtarake që ruan ambientet e ish-uzinës së armëve.

Euronews raporton se dy shtetasit e huaj janë duke u marrë në pyetje nga policia.

Ata kanë pohuar se janë turistë dhe nga kontrolli nuk u është gjetur asnjë send i paligjshëm.

Në Berat ka mbërritur Drejtori i Policisë së Beratit, Policia Ushtarake dhe dy furgonë të FNSH-së.

Një ditë më parë, dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar pasi tentuan të hynin në uzinën ushtarake në Gramsh.

Në dëshminë e tyre ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.