Jep dorëheqjen kryetari i Aleancës për Shqiptarët, Ziadin Sela

Ziadin Sela ka dhënë dorëheqjen si kryetar i Aleancës për Shqiptarët. Humbja e thellë e partisë në zgjedhjet e së shtunës në Maqedoninë e Veriut është bërë shkas për largimin.

Aleanca për Shqiptarët nuk fitoi asnjë këshilltar ndërsa në përbërjen e deritanishme kishte 3 të tillë.

Sipas Selës, ky rezultat ishte i papritur e si rrjedhojë vendosi të japë dorëheqjen.

“Nga ky moment marr përgjegjësinë dhe jap dorëheqjen e parevokueshme si kryetar partie. Në periudhën në vijim, organi më i lartë i partisë pas dy Kongreseve dhe Kuvendi Qendror duhet të ulet dhe të vendosë se kush do të jetë ushtrues detyre i kryetarit të partisë”, ka deklaruar Sela.