Qeveria zvicerane nuk do të ndihmojë familjet e prekura nga inflacioni

Këshilli Federal po refuzon të ulë kostot

Një numër deputetësh i kanë bërë thirrje Këshillit Federal që të ndihmojë urgjentisht familjet me të ardhura të ulëta dhe të mesme, më të ndikuarat nga rritja e kostos së jetesës, përcjell albinfo.ch.

Sugjerimet përfshijnë uljen e çmimit të benzinës, si dhe opsionet më të lira të udhëtimit me transport publik (Generalabonnement / abonnement general / l’abbonamento generale).

Megjithatë, Këshilli Federal po refuzon të ulë kostot, duke argumentuar se aktualisht nuk ka nevojë të merren masa urgjente.

“Rritja ekonomike vazhdon [në Zvicër] dhe shkalla e papunësisë është nën nivelin e saj para pandemisë”, tha ai.

Për më tepër, pagat janë rritur me 8 për qind në dekadën e fundit, “kështu që fuqia blerëse është rritur vitet e fundit”.

 

---