Arkeologët nga Zvicra zbulojnë vendbanimin parahistorik në Shqipëri

Një zbulim i ri nga arkeologë shqiptarë dhe zviceranë: një vendbanim parahistorik në fshatin Buqezë, në Lin, Pogradec.

Vendndodhja prej para 7,500 vjetësh përmban banesa palafite dhe është nga më të mëdhatë në Ballkan, me një sipërfaqe prej afër 35,000 m2, njofton Ambasada e Zvicrës në Shqipëri, transmeton Albinfo.ch.

Njoftohet se aty janë gjetur materiale drusore, vegla pune, enë qeramike dhe eshtra kafshësh që dëshmojnë për një nga komunitetet më të hershme bujqësore.

Projekti zvicerano-shqiptar LIN3 është një bashkëpunim midis Institutit të Arkeologjisë në Shqipëri dhe Universitetit të Bernës.