Lajme
EMA paralajmëron një variant të ri COVID-19 në dimër

Agjencia e Barnave të Bashkimit Evropian (EMA) tha se një variant “plotësisht i ri” i COVID-19 mund të shfaqet këtë dimër, por shtoi se vaksinat ekzistuese duhet të mbrojnë ende njerëzit nga sëmundjet e rënda.
Zyrtarët e Agjencisë Evropiane të Barnave (EMA) më 2 shtator thanë se organizata po përgatitet të hapë një fushatë për vaksinat përforcuese përpara një vale të re të parashikuar të rasteve të koronavirusit.
Shefi i vaksinave në EMA, Marco Cavaleri, tha në një konferencë shtypi se njerëzit “nuk duhet të presin për një vaksinë specifike”.
“Mund të dalë një variant krejtësisht i ri që ne nuk jemi në gjendje ta parashikojmë”, tha ai.
EMA më 31 gusht miratoi vaksinat nga Pfizer/BioNTech dhe Moderna që janë krijuar për të luftuar nënvariantin më të vjetër BA.1 Omicron.
Një vaksinë e zhvilluar nga Pfizer që synon variantet tashmë mbizotëruese BA.4 dhe 5 pritet të miratohet në javët e ardhshme.
Vaksinat e reja të përshtatura me Omicron do të rezervohen kryesisht si përforcues për të moshuarit, katëgoritë e ndjeshme, gratë shtatzëna dhe punonjësit e kujdesit shëndetësor, tha Cavaleri.
Shumica e njerëzve do të vazhdojnë të marrin vaksinat origjinale të krijuara për të trajtuar llojin origjinal të koronavirusit.
“Vaksinat origjinale janë ende në gjendje të mbrojnë kundër sëmundjes së rëndë COVID-19 dhe vdekjes”, edhe nëse ato nuk janë aq efektive në parandalimin e infeksioneve më të buta, tha ai./REL
E-Diaspora
-
KQZ nis fushatën e informimit të diasporës mbi procesin zgjedhor Komisioni Qendror i Zgjedhjeve (KQZ) ka bërë thirrje për qytetarët e Republikës së Kosovës që jetojnë...
-
Udhëtarë nga Gostivari bllokohen 15 orë në Austri pas defektit të autobusit, kompania nuk reagon
-
Piloti kosovar në qiellin ndërkombëtar, Lirik Qerimi licensohet për Boeing 737
-
Afro dy ore pritje në dalje të pikës Merdarë dhe Dheu i Bardhë
-
Dënim i përjetshëm kosovarit, për vrasjen e “dyshes” së një gruaje
Jeta në Zvicër
-
Zvicra po shqyrton porosi të reja armësh nga SHBA për të ulur tarifat tregtare Ministri i Mbrojtjes i Zvicrës, Martin Pfister, është i gatshëm të bëjë porosi të reja armësh...
-
Shpresa dhe sfida një vit pas stuhisë shkatërruese në Brienz
-
Fshati zviceran ku një në dhjetë persona janë të përfshirë në politikë
-
Mbi 24 shoferë të ndaluar në Aargau pas Paradës së Rrugës në Cyrih
-
Industria farmaceutike zvicerane përballet me zhvendosje të prodhimit në SHBA për shkak të tarifave të larta