Së shpejti, një rrugë me emrin e Nënë Terezës në New York

Bëhet e ditur se senatori i New York-ut, Marty Golden, në bashkëpunim me aktivistin dhe kreun e “Albanian Roots”, Marko Kepi, kanë njoftuar se janë duke punuar për emërtimin e një rruge me emrin “Nënë Tereza” në Brooklyn NY.

Rruga që pritet të quhet “Nënë Tereza” do të jetë aty ku para 6 vjetësh vendosen edhe statujën e shenjtores, përcjell albinfo.ch.

“Gjashtë vjet më parë zyra ime, në koordinim me Marko Kepin dhe Organizatën Komunitare Albanian Roots – Rrënjët Shqiptare, zbuluan me krenari statuën e Shën Terezës (Nënë Terezës).

Jam krenare që mbështes bashkemërtimin e rrugës Nënë Tereza në muajt e ardhshëm. Urime komunitetit shqiptaro-amerikan për nderimin e shenjtores sonë të madhe”, shkruan në rrjetet siciale senatori Golden.