Lajme

Norvegjia do ta mbyllë ambasadën në Prishtinë

E premte, 9 Shtator 2022 - 20:00 albinfo.ch
Keystone

Ministria e Jashtme e Norvegjisë ka bërë të ditur të premten se do të mbyllë pesë misione diplomatike nga viti 2023, përfshirë ambasadën në Prishtinë.

Në fjalimin e saj para Parlamentit norvegjez, ministrja e Jashtme norvegjeze, Anniken Huitfeldt, ka deklaruar se janë në proces të rishikimit të strukturave të Shërbimit të Jashtëm për të mbrojtur interesat norvegjeze në një epokë të re në Evropë, si arsye për mbylljen e pesë ambasadave në botë.

“Nuk është kurrë e lehtë të vendosësh të mbyllësh misionet norvegjeze. Mbylljet si këto ndikojnë në jetën e diplomatëve norvegjezë dhe kanë pasoja edhe më të mëdha për stafin e punësuar në vend. Por ne kemi një përgjegjësi për të përdorur burimet tona në një mënyrë që na mundëson të mbrojmë interesat norvegjeze në mënyrë sa më efektive të jetë e mundur”, ka thënë Huitfeldt.

 Të tjera nga Lajme

Legjenda e futbollit gjerman parashikon fitoren e Zvicrës ndaj Argjentinës

 E-Diaspora

 Jeta në Zvicër