Abetarja e përbashkët promovohet në Shqipëri

Fëmijët shqptarë gjirhandej kufijve do të nsin këtë vit shkollor me Abetaren e unifikuar

Pas promovimit në Gjakovë, Abetarja e përbashkët unike Kosovë–Shqipëri u promovua edhe në Tiranë, nga ku, bashkë me kryeministrin Edi Rama, ministrja e Arsimit të Kosovës, Arbërie Nagavci, uroi të gjithë vogëlushët shqiptarë, të cilët do të jenë të parët që do ta fillojnë këtë histori të bukur shqiptare, transmeton Albinfo.ch.

“Kur flasim për Abetaren, natyrshëm na vijnë në mendje të gjithë ata atdhetarë e intelektualë që i vunë themelet, e bënë rrugë të gjatë dhe plot sakrifica për ruajtjen e identitetit dhe vlerave kombëtare që na bashkojnë. Kujtojmë edhe gjithë atë plejadë mësuesish që ngritën breza të tërë, duke luftuar analfabetizmin dhe paditurinë për të ngritur kështu një komb të tërë drejt një shoqërie të emancipuar, të ditur e konkurruese me botën e zhvilluar”, tha Nagavci, derisa shtoi se të gjithë së bashku duhet të bëjnë historinë e ruajtjes së gjuhës, kulturës, arsimit dhe fuqizimin e kombit shqiptar.

“Shfrytëzimi i potencialit të dy vendeve tona na bën shumë më të fortë dhe shumë më të lehtë arritjen e synimeve tona të përbashkëta për arsimim më cilësor”, u shpreh ajo.

 

---