Lajme
Në Austri prezantohen studimet antropologjike shqiptare
Në Grac u prezantuan punimet e Mikaela Mingës dhe Anxhela Hoxha-Çikopanos, studiuese në Institutin e Antropologjisë dhe Studimit të Artit.
Bëhet e ditur se në konferencën e 10-të të Organizatave Ndërkombëtare për Antropologjinë e Europës Juglindore, në Grac të Austrisë, u prezantuan punimet e Mikaela Mingës dhe Anxhela Hoxha-Çikopanos, studiuese në Institutin e Antropologjisë dhe Studimit të Artit, përcjell albinfo.ch.
Dr. Minga kumtoi “The national folk festival of Gjirokastër: Visual representations through film” (Festivali Folklorik i Gjirokastrës: Përfaqësimi vizual në film). Festivali folklorik përfaqëson ngjarjen më të mediatizuar në Shqipërinë totalitare. Prania e mjeteve teknologjike për regjistrimin e tij ka qenë shumëplanëshe dhe kështu janë edhe dokumentet tingullore dhe audiovizuale që e dokumentojnë atë. Nga këto, studiuesja Minga mori në shqyrtim 5 dokumentarë të prodhuar nga Kinostudioja “Shqipëria sot” për 5 edicionet e festivalit, duke analizuar mënyrën si përfaqësohej kjo ngjarje kulturore përmes zhanrit të filmit dokumentar. Në këtë analizë u prekën aspekte estetike, ato të gjuhës filmike, performative, si dhe ato të propagandës dhe ideologjisë.
Dr. Hoxha-Çikopano u paraqit me kumtesën “Communist Emancipation of Women in Albania – A Cinematographic Approach” (“Emancipimi komunist i gruas në Shqipëri – Një qasje kinematografike”), që trajtonte çështjet e emancipimit hipotetik dhe real të gruas në Shqipëri dhe si është pasqyruar pritshmëria dhe realiteti në kinematografinë shqiptare mes viteve 1952-1990, me ngjyrimet tipologjike të estetikës e propagandës së kohës dhe evolucionin e narrativës kinematografike, përballë realitetit të grave shqiptare në këto vite./ata
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Sa banorë të huaj bëhen shtetas zviceranë çdo vit? Të dhënat e reja të qeverisë zbulojnë se sa shtetas të huaj bëhen zviceranë dhe cilët...
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale