Sot shënohet Dita Ndërkombëtare Kundër Dhunës

Më 2 tetor shënohet Dita Ndërkombëtare Kundër Dhunës, e cila përkon me datëlindjen e Mahatma Gandhit, liderit të lëvizjes për pavarësinë e Indisë dhe pionierit të filozofisë dhe strategjisë kundër dhunës.

Sipas rezolutës së Asamblesë së Përgjithshme të datës 15 qershor 2007, e cila vendosi përkujtimin, kjo ditë përhap mesazhin kundër dhunës, duke përfshirë edukimin dhe ndërgjegjësimin publik.

Gandi, i cili ndihmoi në udhëheqjen e Indisë drejt pavarësisë, ka qenë frymëzimi për lëvizjet jo të dhunshme për të drejtat civile dhe ndryshimet shoqërore në gjithë botën.