Lajme
Si ndodhi avaria e trenit në Gothard dhe si u evakuuan udhëtarët
Rreth 800 pasagjerë duhej të silleshin në tubin perëndimor përmes një lidhjeje tërthore dhe u evakuuan prej andej në drejtim të Luganos
Treni që pësoi sot avari është Eurocity 317, i cili ishte nisur nga Cyrihu në orën 11:33 në drejtim të Comos, (Itali), transmeton albinfo.ch. Treni i tipit Giruno duhet të kishte mbërritur në Bellinzona në orën 13:12 – por u bllokua në tunelin bazik, Gotthard, pak para orës 13:00.
Rreth 800 pasagjerë duhej të silleshin në tubin perëndimor përmes një lidhjeje tërthore dhe u evakuuan prej andej në drejtim të Luganos, shkruan srf.ch.
Tubi lindor i tunelit Gotthard, ku ndodhi avaria, është duke u riparuar.
Kjo zgjati deri pak para orës 16:00, siç thotë Barbara Schaffner, deputete nacionale e GLP-së e cila kishte qëlluar rastësisht në trenin e dëmtuar, transmeton albinfo.ch. Ajo ka treguar për SRF-në në telefon se si shkoi evakuimi: “Gjithçka shkoi mirë, disa njerëz e panë atë si një aventurë”.
Megjithatë, në disa njoftime të mëparshme, dëshmitarë të ndryshëm kishin deklaruar se kishte pasur frikë dhe vështirësi në mesin e udhëtarëve. Kjo, sidomos për faktin se ndër të bllokuaroit kishte fëmijë dhe pleq ndërsa ndërprerja e rrymës dhe e klimatizimit e kishte bërë gjendjen edhe më të rëndë.
Qarkullimi hekurudhor në aksin veri-jug është bllokuar për disa orë nga ora 13:00. Sipas SBB-së, tubi lindor tani është duke u riparuar, por sa kohë do të zgjasë kjo nuk dihet aktualisht. Sipas SBB-së, qarkullimi përmes tunelit fillimisht është një binarësh. Kjo po rezulton në vonesa prej rreth dhjetë minutash, përcjell albinfo.ch. Vetëm disa trena u devijuan në hekurudhën që shkon jashtë tunelit..
Nuk është hera e parë që një tren ngec në tunelin e bazës Gotthard. Më 27 qershor 2021, kishte ngecur po ashtu një Eurocity me 600 njerëz.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter