Zvicër: 37,032 raste të reja me korona, ose rritje prej 7 % brenda një jave

Aktualisht janë 72 pacientë me Covid-19 në kujdesin intensiv, ose 57 për qind më shumë se javën e kaluar. Raportohen 21 raste të reja të vdekjes

Zyra Federale e Shëndetit Publik (BAG) ka raportuar sot 37,032 raste të reja që rezultuan pozitive me koronavirus gjatë javës së fundit.
Kjo e vendos mesataren 7-ditore në 5293 që është 7 për qind më shumë se në javën e kaluar, transmeton albinfo.ch. Në trendin aktual, mesatarja 7-ditore e infeksioneve të reja dyfishohet afërsisht çdo 71 ditë.

Incidenca 14-ditore është aktualisht 766.59.

BAG po ashtu ka raportuar 543 shtrime të reja në spital, kështu që mesatarja 14-ditore është 54 shtrime në ditë, skruan srf.ch. 1430 persona aktualisht po trajtohen në spital për Covid-19 që është 20 për qind më shumë se në javën e kaluar.

Aktualisht janë 72 pacientë me Covid-19 në kujdesin intensiv, ose 57 për qind më shumë krahasuar me javën e kaluar.

BAG raporton 21 raste të reja të vdekjes gjatë shtatë ditëve që shkuan.

Norma pozitive në mesataren 7-ditore është aktualisht 42.9 për qind. Krahasuar me javën e kaluar, norma pozitive ka mbetur e njëjtë.

---