Portrete të firmave
Petrit Vllasi: Të rejat nga sektori i hipotekave
Petrit Vllasi: “Deri më sot nuk ka qenë kurrë kaq e rëndësishme të zgjidhni strategjinë dhe partnerin më të mirë për të marrë një hipotekë”
Gjendja aktuale në ekonominë globale po reflektohet në çdo sektor e industri. Kjo situatë ekonomike me inflacion të lartë, rritje të normave të interesit, krizë energjetike e frikë nga recesioni ka prekur edhe lëmin e hipotekave. Për të kuptuar shkurtimisht se si është gjendja aktuale në këtë sektor dhe si po ndryshon ai, albinfo.ch ka biseduar me ekspertin e hipotekave, Petrit Vllasi, nga Kompania e specializuar në Zvicër vetëm për hipoteka Financa AG.
Intervistë me Petrit Vllasin, ekspert i hipotekave
Albinfo.ch: Si është gjendja aktuale në fushën e hipotekave?
Petrit Vllasi: Në javët e fundit të verës Zvicra ka parë një tendencë luhatëse në normat e interesit. Ne kemi qenë në gjendje të gëzojmë një rënie të lehtë të normave në javët e fundit, e cila po kthehet në rritje. Arsyeja e luhatshmërisë së lartë është situata e pasigurt ekonomike. Ndërkohë që në qershor fokusi ishte ende te rreziqet që lidhen me inflacionin dhe rritjen e mprehtë të normave të interesit nga bankat qendrore, në korrik fokusi u zhvendos te frika e një recesioni.
Albinfo.ch: A do të vazhdojnë të rriten normat e hipotekave në vitin 2023?
Petrit Vllasi: Nëse kriza energjetike në Evropë nuk shkakton një recesion të thellë në eurozonë dhe në Zvicër, ka mundësi që Banka Qendrore Evropiane dhe Banka Kombëtare Zvicerane të rrisin gradualisht normat e tyre kryesore në tremujorët e ardhshëm. Kjo, nga ana tjetër, do të reflektohej në norma interesi pak më të larta për hipotekat.
Albinfo.ch: A do të ulen normat e interesit në vitin 2023?
Petrit Vllasi: Sipas parashikimeve statistikore nga institucionet më të mëdha bankare zvicerane, ne duhet të gëzojmë një ulje të normës fikse të interesit 10-vjeçare të hipotekës në mesin e vitit 2023. Ndërsa hipotekat SARON parashikojnë një rritje të normës deri në 0,75% normë bazë SARON.
Albinfo.ch: Si po ndryshon tutje sektori i hipotekave?
Petrit Vllasi: Lëmi i hipotekave po kalon një ndryshim drastik në zgjedhjen e produktit dhe pronës së duhur. Deri më sot nuk ka qenë kurrë kaq e rëndësishme të zgjidhni strategjinë dhe partnerin më të mirë për të marrë një hipotekë. Në situatën aktuale, kursimi në normën e interesit do të thotë të kursesh shumë para. Pak muaj më parë norma e interesit e përcaktuar ishte pothuajse e parëndësishme pasi diferenca ekonomike ishte minimale. Pasuritë e paluajtshme mbeten një investim shumë tërheqës, thjesht duhet të lëvizni në mënyrën e duhur në kohën e duhur.
Më shumë informata: Financa AG
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Gjashtë gjëra që duhet të dini për pagat në Zvicër Nëse jetoni dhe punoni tashmë në Zvicër, (ose jeni gati të zhvendoseni këtu), ndoshta jeni njohur...
-
Cilat profesione janë më të paarritshme nga të huajt në Zvicër
-
Kush është gruaja që ju flet shqip kur fluturoni me CHAIR?
-
Restoranti i famshëm indian nuk mund të hapet në Cyrih, pasi kuzhinierëve iu refuzuan lejet
-
Përhapet mushkonja tigër: Zbulohen dy lloje në Aargau