Marina gjermane teston me sukses armën laserike kundër dronëve

Kompania gjerman Rheinmetall Waffe Munition ka njoftuar se forcat e armatosura gjermane kanë përdorur armë laserike të vendosur në një anije.

Testimi është kryer më 30 gusht të këtij viti, kur luftanija gjermane Sachsen me sukses përdori laserin dhe shkatërroi dronët mbi Detin Baltik.

Arma laserike është zhvilluar duke bashkuar forcat mes MBDA Deutschland GmbH dhe Rheinmetall Waffe Munition GmbH.

Daniel Gruber, menaxher i projektit në kompaninë MBDA dhe dr. Markus Jung, të angazhuar për zhvillimin e armës në kompaninë Rheinmetall Waffe Munition, ishin prezentë gjatë testimit, duke arritur të dëshmojnë aftësitë e kësaj arme laserike.

Der erste scharfe Schuss mit einer Hochenergie-#Laserwaffe gegen ein dynamisches Ziel wurde erfolgreich durchgeführt. Beteiligt an der bisher einjährigen Erprobung: unsere #WTD71 und #WTD91 und die @deutschemarine gemeinsam mit der Industrie.
Mehr unter https://t.co/MFbNBgNrqU pic.twitter.com/fVgTv2GSZv

— Bundeswehr AIN (@BaainBw) October 27, 2022

“Komponentët janë të teknologjisë më të fundit. Është rezultat i hulumtimit shumëvjeçar që e kanë kryer këto dy kompania. Shumë komponentë të sistemit janë zhvilluar enkas për këtë projekt dhe janë kombinuar në këtë mënyrë për herë të parë”, tha dr. Thomas Baumgartel.

Testimi aktual po zhvillohet rrugëve detare, kurse planifikohet testim tjetër kah mesi i vitit të ardhshëm. Gjatë testimit do të përdoren skenarë të ndryshme që do të paraqesin sfidë për laserin.