Gjermania ka mbushur 100% të depove me rezerva gazi

EPA/SERGEY DOLZHENKO

Depozitat e gazit në Gjermani janë mbushur, sipas të dhënave të publikuara nga Aggregated Gas Storage Inventory (Agsi), një platformë evropiane e të dhënave të energjisë, përcjell albinfo.ch.

Gjermania ka mbushur 100% të depove për rezerva me gaz, pavarësisht që Rusia e ka ndërprerë kaherë furnizimin. Bundesrati e ka miratuar vendimin për ndihma për gaz dhe ngrohje qendrore! Ndihmat e para vijnë në dhjetor, ndërsa frenimi i çmimit në mars.

Qeveria gjermane ka planifikuar që deri në nëntor të mbushen 95% e kapacitetit të depozitave. Magazinimi shihet me rëndësi thelbësore për Gjermaninë për të kaluar dimrin pa importe të gazit rus.

“Nëse gjithçka shkon mirë, kemi kursime të larta në Gjermani dhe po të kemi pak fat me motin, do të kemi shans ta kalojmë dimrin rehat”, tha të hënën ministri i Ekonomisë, Robert Habeck.