Qatar 2022
Xhaka e Shaqiri pritet ta udhëheqin Zvicrën kundër Serbisë
Sytë kah Xhaka e Shaqiri, Zvicra kërkon kualifikimin ndaj Serbisë
Sot do të luhen ndeshjet e fundit të fazës së grupeve në Kupën e Botës. Teksa disa prej emrave më të mëdhenj në futbollin e kombëtareve tashmë e kanë siguruar kualifikimin, të njëjtën gjë do të tentojë edhe Zvicra, që përballë do ta ketë Serbinë.
Granit Xhaka me shokë do ta synojnë “deja vu”-në e katër vjetëve më parë, kur i mposhtën pikërisht serbët me rezultat 1-2. Kjo përballje do të luhet në orën 20:00 dhe, pa dyshim, do të jetë më e rëndësishmja e mbrëmjes.
Në po të njëjtën kohë luan edhe Brazili që përballë do ta ketë Kamerunin, i cili tashmë llogaritet i eliminuar. Pak më herët, në orën 16:00, Portugalia ka punë me Korenë Jugore dhe Uruguaji me Ganën.
Në xhiron e fundit të zhvilluar në këtë Botëror, Zvicra pësoi humbje 1:0 nga Brazili, kurse Serbia barazoi 3:3 me Kamerunin.
Momentalisht, të dy kombëtaret i ndajnë vetëm dy pikë në Grupin G, ku Zvicra zë vendin e dytë me tri pikë, krahas Serbisë që renditet në vendin e fundit me një pikë.
Sa i përket ndeshjes së sotme, në dyshim për t’u paraqitur është Noah Okafor i Zvicrës.
Takimi i fundit mes këtyre dy kombëtareve ishte 22 qershori i famshëm i vitit 2018, ku asokohe Zvicra e mposhti Serbinë 2:1 falë golave të Shaqirit e Xhakës, të cilët bënë shqiponjën me duar para syve të tifozëve serbë.
E-Diaspora
-
Njoftim për diasporën: Vetëm edhe 10 ditë për regjistrimin e popullsisë, ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
Jeta në Zvicër
-
Zvicra dhe Kosova, marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional, ambasadori Sprecher dhe ministrja Nagavci nënshkruan marrëveshje bashkëpunimi për projektin...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane