Sërish pengesa në eksportimin e grurit nga Ukraina  

Keystone EPA/YAHYA ARHAB

Bjellorusia është e gatshme të lejojë dërgimin e grurit ukrainas përmes territorit të saj, në mënyrë që produktet të mund të eksportohen më tej nga portet lituaneze, sipas një deklarate të Sekretarit të Përgjithshëm të OKB-së, António Guterres.

Guterres e bëri deklaratën pas një takimi me zëvendësministrin e Jashtëm bjellorus, Yury Ambrazevich, transmeton dpa, përcjell albinfo.ch.

Me shpalljen e marrëveshjes, Ambrazevich përsëriti kërkesën e tij që vendi i tij të lejohet të eksportojë plehra, të cilat aktualisht janë subjekt i sanksioneve.