Lajme
Sa po e kursejnë zviceranët energjinë elektrike
Më të ndjeshme në këtë drejtim janë gratë dhe personat mbi 50 vjeç. Një trend i rikonfirmuar nga Zyra Federale e Energjisë, e cila vuri re përmes një monitorimi të energjisë një rritje të përdorimit të llambave dhe sensorëve LED
Shumica dërrmuese e zviceranëve duket se ndjekin rekomandimet e Këshillit Federal në lidhje me kursimin e energjisë. 96% e njerëzve të pyetur në një sondazh thonë se bëjnë detyrën e tyre, duke fikur dritat, duke hequr dorë nga banja apo gatimi. Sipas sondazhit përfaqësues – i kryer me 2500 persona dhe i publikuar nga shitësi online Digitec Galaxus – janë kryesisht gratë dhe personat mbi 50 vjeç që deklarojnë se ndjekin këshillat në këtë fushë, shkruajnë mediat zvicerane, përcjell albinfo.ch.
Të rinjtë e moshës 15-29 vjeç janë më të rezervuar, por thonë se janë të gatshëm të marrin trenin më shumë dhe t’i lënë makinat e tyre në garazh. Megjithatë, disa nga të intervistuarit nuk kishin leje drejtimi apo makinë. Në përgjithësi, më pak se 4% e të anketuarve thanë se nuk ndjekin asnjë këshillë për kursimin e energjisë. Në Gjermani, përqindja e njerëzve që ndjekin rekomandimet është e ngjashme me atë të regjistruar në Zvicër, ndërsa në Austri arrin në gati 98%.
Një trend që ndjek edhe të dhënat e Konfederatës për rritjen e përdorimit të llambave dhe sensorëve LED. Në fakt, këto janë zgjedhja e parë në sektorin e ndriçimit dhe sensorëve 2021. “Konsumimi i energjisë elektrike është ulur vitet e fundit edhe falë LED-ve”, lexohet në një shënim të Zyrës Federale të Energjisë. Sipas monitorimit të energjisë së ndriçimit të vitit të kaluar, “në vitin 2021, konsumi i energjisë elektrike për ndriçim ishte 6,5 TWh, ose 24,4% më pak se në vitin 2012, viti i konsumit më të madh”. Sipas studimit, zëvendësimi i llambave tradicionale me llamba LED dhe funksionimi korrekt i sistemeve të ndriçimit bëjnë të mundur përgjysmimin e konsumit të energjisë elektrike.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet