Lajme
Shoqata “Dardania” në Knittelfeld: Viti i ri, me projekte të reja
Shoqata “Dardania” do ta fillojë Vitin e Ri me energji të re për të vazhduar traditën e aktiviteteve në komunitetin shqiptar. Kryesia e saj premton se viti 2023 do të jetë vit i sukseseve të projekteve të shumta
Shoqata shqiptare nga Knittelfeld-i (Landi Steiermark) po përmbyll një vit të këndelljes pas pandemisë me disa aktivitete kulturore, por me plane ambicioze dhe mirë të planifikuara për vitin e ardhshëm.
Tani pas zgjedhjeve të reja, në kuadër të shoqatës, ka filluar edhe intensifikimi i aktiviteteve të ndryshme për vitin e ardhshëm. Në këtë vazhdë ka filluar edhe një aspekt tepër i rëndësishëm për një shoqatë, fjala është për ndihmesën materiale që ajo do të ketë për aktivitetet e saj. Siç u informuam nga kryesia e shoqatës, shihen lëvizje pozitive në këtë drejtim, me gatishmërinë e bizneseve të ndryshme në rrethinën e Knittelfeld-it dhe Murtal-it për të mbështetur punën e shoqatës “Dardania”.
Hapi i parë tashmë ka filluar me dhurimin e veshjeve sportive për ekipin e futbollit, të cilët me veshje të reja u paraqitën edhe në turnirin e organizuar në Weiz muajin e kaluar.
Edhe për vitin e ardhshëm parashihen aktivitete të dendura kulturore-sportive, duke ruajtur vazhdimësinë e aktiviteteve si në sport, ashtu edhe në kulturë.
“Është një gatishmëri e madhe e anëtarëve të shoqatës por edhe e dashamirëve të tjerë që projektet e shoqatës sonë t’i realizojmë me sukses. Ne u premtojmë bashkatdhetarëve tanë, por edhe miqve austriakë se në vitin 2023 do të kemi projekte të shumta dhe interesante”, ka thënë për Albinfo.at Enver Tershani, kryetar i shoqatës “Dardania” në Knittelfeld.
Shoqata „Dardania” falënderon të gjithë mbështetësit e saj dhe u uron festat e fund vitit të gjithë shqiptarëve kudo që janë.
Shoqata “Dardania” në Knittelfeld të Steiermarkut, në Austri, që prej tri dekadash njihet për organizimin e aktiviteteve të llojllojshme kulturore e sportive shqiptare.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in