Kosovari 23 vjeçar goditet nga treni: Pëson lëndime të rënda

Si pasojë e aksidentit,qarkullimi i trenave në Altenmarkt është mbyllur për një orë

Një këmbësor në Altenmarkt im Pongau (Austri) është gpditur nga një tren dhe ka pësuar plagë të rënda, ditën e djeshme, më 1 shkurt. 23-vjeçari u dërgua në spitalin e Salzburgut me helikopterin e shpëtimit, transmeton albinfo.at.

Këtë e ka bërë të ditur policia e Salzburgut në mbrëmje. Është e paqartë përse ai po ecte mbi shinat afër stacionit, shkruan heute.at. Ndërkohë albinfo.at merr vesh nga familjarët e tij se i përmenduri “nuk ka ecur mbi shina por anash tyre. Rasti ka ndodhur krejt aksidentalisht. Personit, që ishte duke telefonuar i bjen telefoni nga dora dhe kur ai perkulet ta marrë telefonin treni me shpejtësi të madhe e godet atë nga ana e pasme ne kokë.

Si pasojë e aksidentit, qarkullimi i trenave në Altenmarkt është mbyllur për një orë.

Kosovari është transportuar nga helikopteri i shpëtimit në spitalin e aksidenteve të Salzburgut me lëndime të rënda, transmeton albinfo.at.

Policia ka njoftuar se aksidenti është objekt i hetimeve të mëtejshme.

---