Kriza në Ukrainë
OKB kërkon 5.5 miliardë dollarë për Ukrainën
OKB-ja kërkoi sot 5,6 miliardë dollarë (5,2 miliardë euro) për të mbuluar nevojat humanitare këtë vit të 11,1 milionë banorëve në Ukrainë dhe 4,2 milionë refugjatëve dhe komuniteteve të tyre në pritje në Evropë.
“Pothuajse një vit më vonë, lufta vazhdon të shkaktojë vdekje, shkatërrim dhe zhvendosje çdo ditë dhe në një shkallë marramendëse”, tha në një deklaratë shefi i operacioneve humanitare të OKB-së, Martin Griffiths, transmeton afp, përcjell albinfo.ch.
“Ne duhet të bëjmë gjithçka në fuqinë tonë për të arritur komunitetet më të vështira, përfshirë ato afër vijës së frontit. Vuajtjet e popullit ukrainas nuk kanë mbaruar, ai vazhdon të ketë nevojë për mbështetje ndërkombëtare”, shtoi ai.
Këtë vit, agjencitë humanitare të OKB-së do të kërkojnë 3,9 miliardë dollarë për të ndihmuar 11,1 milionë banorë në Ukrainë dhe 1,7 miliardë dollarë për të përmbushur nevojat e 4,2 milionë refugjatëve dhe komuniteteve të tyre të pritjes në vende të ndryshme të Evropës Lindore.
Pjesa më e madhe e ndihmës për refugjatët do të shkojë në Poloni, vendi kryesor pritës për refugjatët në Evropën Lindore, dhe në Moldavi, përmes së cilës kalojnë shumë refugjatë përpara se të shkojnë diku tjetër në Evropë.
”Që nga janari, rreth 4,9 milionë ukrainas ishin regjistruar nën skemën e mbrojtjes së përkohshme të BE-së ose skema të krahasueshme në vende të tjera evropiane pas pushtimit rus të Ukrainës më 24 shkurt 2022”, sipas OKB-së.
Rreth 86% e refugjatëve janë gra dhe fëmijë.
“Evropa ka dëshmuar se është e aftë për veprime të guximshme kolektive për të ndihmuar refugjatët”, tha në një deklaratë shefi i agjencisë së refugjatëve të OKB-së, Filippo Grandi.
Të tjera nga Kriza në Ukrainë
E-Diaspora
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës Panairi më në zë te shqiptarët “Gjergji, Heroi Kombëtar”, gjithmonë i ka bërë bashkë shqiptarët, përcjell...
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
Jeta në Zvicër
-
Të Gjelbrit nisin një iniciativë për lejen e zgjeruar prindërore Të Gjelbrit duan t’ua sjellin votuesve zviceranë kërkesën e tyre për leje prindërore të zgjeruar dhe...
-
Rusia nxjerr “Deklaratën përfundimtare” për konferencën në Bürgenstock
-
26-vjeçari nuk u paraqit për mbrojtjen civile, kaq shumë duhet të paguajë
-
SVP dëshiron të pranojë vetëm 5,000 azilkërkues në vit
-
Swisscom ndërpret kontratën, call center pushon 100 punonjës