Lajme
Manfred Brandner udhëheq përvjetorin e Pavarësisë së Kosovës në Graz
Konsulli i nderit i Republikës së Kosovës udhëheqi përvjetorin e Pavarësisë së Kosovës në Graz
Bëhet e ditur se në një ambient të bukur në Graz u mbajt një takim festiv me personalitete të shquara nga jeta politike, kulturore dhe biznesore austriake dhe mysafirë shqiptarë në kuadër të 15- vjetorit të Pavarësisë së Kosovës, përcjell albinfo.at.
Vlen të theksohet se këtë organizim e hapi dhe moderoi konsulli i nderit i Republikës së Kosovës në Graz, Manfred Bradner, i cili i uroi të pranishmit dhe theksoi për rrugëtimin e Kosovës deri në pavarësi si dhe sfidat të cilat po e ndjekin edhe sot, si dhe përkrahja e vazhdueshëme e Austrisë në të gjitha proceset.
Gjatë eventit, fjalën e mori në mes tjerëve Christoph Stark, deputet në Parlamentin austriak dhe kryetar i Komunës Gleisdorf, i cili foli për në mënyrë pozitive për integrimin e shqiptarëve në komunën nga ai vjen dhe në Steiermark e Austri në përgjithësi, ndërsa në pjesën e dytë u koncentrua në zhvillimet gjeopolitike në botë dhe situatën në të cilën gjindet Kosova, por edhe Austria, duke thekësuar se Austria është një partner i rëndësishëm për Kosovën në gjithë këto ngjarje dramatike që po ndodhen në botë. Z. Stark ishte ardhur i shoqëruar nga kryetari i Këshillit koordinues të shoqatave të Steiermar-kut, z.Valton Halimi, i cili edhe vjen nga komuna e tij.
Me nga një fjalim të shkurtër u paraqiten edhe personalitete të tjera të rëndësishme nga Steiermarku, të cilët theksuan përkrahjen e e vazhdueshme edhe në të ardhmen për Kosovën në të gjitha fushat.
Një koktej rasti, por edhe disa ushqime tradicionale, të gjitha prodhime kosovare, ishin përgatitur nga Rrjeti i Bisneseve Shqiptare në Steiermark në krye me Armond Aliu, ra në sy sidomos birra e Pejës dhe verërat nga Kosova, të cilat u pëlqyen më së shumëti. Organizatori ishte kujdesur edhe për disa pika muzikore me piano dhe violinë nga Nikoll Ukaj si dhe ambienti ishte zbukuruar me pikturat e piktorit Haxhi Fejzullahu, të cilat zgjuan kërshëri te pala austrike nga punimet me tema nga Austria, si punimi i figurës së princit Franc Ferdinand, stemës së Steiermark-ut, ndërsa kulmi arriti kur ky piktor dhuroi një pikëturë z.Manfred Bandner me motive kosovare. Me këtë rast u recituian edhe disa vargje nga poetja Kimete Zahiti Ternava.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Transmetuesit publikë zviceranë tërhiqen nga X/Twitter Transmetuesit publik zviceran RTS dhe SRF po reduktojnë në mënyrë drastike komunikimet e tyre përmes rrjetit...
-
Air India kthehet në Cyrih pas më shumë se 25 vitesh
-
Cyrih
Aeroporti i Cyrihut, më i pastërti në Evropë
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital