Si të kuptoni se paguani qira të lartë?

@pixabay

Përgjatë gjithë vitit ka shënuar rritje vlera e qirasë për banim në Zvicër e pritet të rritet ende. Megjithatë ka edhe mënyrë për të kërkuar një ulje, në rast se vlera e qirasë është e lartë.

Në vitin 2020, Gjykata Federal e Zvicrës mori vendim që pronarët e banesave që i lëshojnë ato me qira mund të përfitojnë me kthim deri në 2% të vlerës së interesit fillestar.

Kur norma është 1.25 për qind, pronarët përfitojnë deri në 3.15, por gjithçka që e kalon këtë vlerë cilësohet si abuzive. Pra, organi më i lartë i drejtësisë në Zvicër ka vendosur kufirin e fitimit për qiradhënësit deri në 2%, por që shumë prej tyre nuk e respektojnë, raporton Thelocal.ch, përcjellë Albinfo.ch

Sipas informacioneve për vitin 2021, del se përfitimi i pronarëve që lëshojnë banesat ishte 6.5%, e sipas Shoqatës Zvicerane të Qiramarrësve, kjo mënyrë e përfitimit në qira u shkakton humbje familjeve në vlera miliardësh.

Banka Raiffeisen zbuloi, për shembull, se kthimi i përgjithshëm në ndërtesat e banimit në Zvicër ishte rreth 6.5 për qind në vitin 2021.

Në rast se e gjeni veten në një pozicion të tillë atëherë zgjidhja më e mirë është të mos e merrni me qira banesën në rast se llogaritë nuk u dalin si duhet. Por, në rast se tashmë jeni duke jetuar me qira dhe e vëreni një gjë të tillë mund të raportoni rastin në Zyrën Federale të Strehimit brenda 30 ditëve prej nënshkrimit të kontratës së qirasë.

Tre rajonet ku më së shumti u rrit vlera e qirasë gjatë vitit 2022, sipas Thelocal.ch janë, Ticino me 8.4% rritje, Zona e Cyrihut me 6.1% dhe Rajoni përreth Liqenit të Gjenevës (Gjenevë dhe Vaud) me 3.8%.