Kosova
Kreu i NATO-s jep garancinë për sigurinë në Kosovë
Presidenti i Shqipërisë, Bajram Begaj, po qëndron në Bruksel në një vizitë në NATO. Ai atje është takuar me kreun e Aleancës Veri Atlantike, Jens Stoltenberg, ku mes tjerash është diskutuar edhe për Kosovën.
Stoltenberg ka dhënë garancinë e tij për sigurinë e Kosovës dhe ka shtuar se Kosova e Serbia duhet të punojnë për të arritur marrëveshje mes vete.
“Aleanca e NATO-s ka qenë prezente në Kosovë prej shumë vitesh. Aleatët janë të angazhuar që të vazhdojnë të kontribuojnë vijimësinë e pranisë në Kosovë. Ne punojmë gjithashtu me Bashkimin Evropian në Kosovë. Ne vlerësojmë gjithashtu edhe diskutimet e zhvilluara me ndërmjetësimin e BE-së mes Serbisë dhe Kosovës. Ne mendojmë se kjo është rruga e vetme për stabilitetin në Kosovë. Kemi një mundësi historike që mund të jetë shumë e rëndësishme për gjithë rajonin. Palët të tregojnë fleksibilitetit dhe gatishmëri për të gjetur një zgjidhje përfundimtare. Pra, NATO-ja është e pranishme në Kosovë dhe ne e marrim shumë seriozisht situatën aty”, ka thënë shefi i NATO-s, raporton Top Channel, përcjell albinfo.ch.
Ndërkohë që Begaj ka shtuar se Rusia po synon të destabilizojë Ballkanin Perëndimor, sidomos me zhvillimet në Veri të Kosovës. “Qëllimi i saj është prishja e paqes, stabilitetit dhe bllokimin e reformave Euro-Atlantike të vendeve të rajonit. Kemi ndjekur me shqetësim ngjarjet në veriun e Republikës së Kosovës në fund të vitit të kaluar. Shqipëria përshëndet dhe mbështet dialogun Serbi-Kosovë. Që nga viti 2008, Republika e Kosovës është një vend sovran dhe i pavarur me vizion të qartë për t’u integruar në familjen euro-atlantike”, ka thënë presidenti shqiptar, raporton TCH, përcjell albinfo.ch.
Bajram Begaj mes tjerash thotë se plani evropian është i duhuri për normalizim të marrëdhënieve Kosovë – Serbi.
Të ngjashme
Të tjera nga Kosova
E-Diaspora
-
Çikago: Pianistja Anila Aliu, me koncert recital Pianistja Anila Aliu do të paraqitet me një koncert recital në Chicago të SHBA-së, përcjell albinfo.ch....
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?